Nagpailang sakop sa media sikop sa druga
-A A +AWednesday, July 18, 2012
USA ka nagpailang sakop sa media ang nasikop sa kapulisan human gilusad ang buy-bust operation sa kapulisan kagahapon didto sa Barangay Matina Crossing, siyudad sa Davao.
Ang suspek mao si Nonito Roble Jupia Jr., hamtong, nagpuyo sa Washington, Barangay 39-D Poblacion, siyudad sa Davao.
Si Jupia nasikop alas 10:00 sa buntag kagahapon sa mga sakop sa Talomo Police Station nga gipangulohan ni Police Supt. Dionisio Abude.
Mga pulis, human nakadawat og impormasyon sa confidential agent, miadto dayon duol sa Iglesia Ni Cristo nga nahimutang sa GSIS Heights Subdivision.
Sa maong dapit giposasan ang suspek sa mga pulis human gitunol ang usa ka pakiteng shabu ngadto sa nagtakubang buyer og druga.
Ang suspek nagpaila pang elected barangay official, apan dihang gitawgan si Kapitan Editha Erno sa Superbalita, siya nagbutyag nga di tinuod ang gisulti sa dinakpan.
Nagtingkagol karon ang suspek sa selda sa kapulisan sa Talomo samtang gihikay ang kasong paglapas sa Republic Act 9165 kun Comprehensive Dangerous Drugs Act of 2002. (AD)
Gipatik sa mantalaang SuperBalita Davao Hulyo 19, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
