Kawatan gipusil, suspek wa mailhi
-A A +ASaturday, July 21, 2012
KRITIKAL ang kahimtang sa usa ka notadong kawatan human gipusil sa wala mailhing lalaki alas 6 sa gabii niadtong Biyernes didto sa Purok 2-A, Ilang, Tibungco, siyudad sa Davao.
Naila ang biktima nga si Kenneth Calise Ernal, alyas Nonoy Bolhog, 24, molupyo sa maong lugar.
Sa blotter sa Bunawan Police Station, nasayran nga pasulod na sa gate sa ilang balay si Ernal sa dihang gipusil sa usa ka lalaki nga naka-jacket tumong sa liog.
Daling misibat ang suspetsado sakay sa naghulat nga kolor pula nga Honda XRM nga motorsiklo padulong sa wala matinong direksiyon.
Dali sab nga gidala ang biktima didto sa Southern Philippines Medical Center kon diin padayon pang gi-obserbahan ang iyang kahimtang.
Nasayran gikan sa Bunawan PNP nga si Ernal nalambigit sa mga serye sa pagpangawat sa area sa Tibungco ug bag-ohay lang sab nakagawas gikan sa Maa City Jail. (Blue Cordero)
Gipatik sa mantalaang SuperBalita Davao Hulyo 22, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
