Nangluba sa silingan wala madakpi
-A A +ASunday, July 22, 2012
BANSALAN, Davao del Sur - Pakyas ang kapulisan nga madakpan ang usa ka lalaki nga nangluba sa silingan human milayas sa iyang pinuy-anan sa dalang Rosal, Barangay Poblacion Uno, Sabado sa gabii.
Ang giluba sa suspetsado nga si Ernesto Santos, alyas Erning, mao si Ricardo Bayang.
Si Bayang padayon nga gitambalanan sa wala matino nga balay tambalanan sa dakbayan sa Digos.
Si Senior Inspector Milgrace Driz, hepe sa Bansalan Police Station, nagkanayon nga alas 7:25 sa gabii sa maong adlaw nagkalalis ang suspetsado ug biktima sa wala masayring hinungdan.
Wala damha nga ang suspetsado nagdala diay og mahait nga hinagiban hinungdan nga gihansakan ang tiyan sa biktima.
Human sa insidente, nidagan ang suspetsado ug wa na kini igkita pa sa ilang balay.
Sa pagpanubay sa Superbalita, nasayran nga nasuko ang suspetsado human matud pa gisumbag sa biktima ang iyang anak hinungdan nga nagkalalis ug maoy hinungdan nga giluba.
Gilusad na sa kapulisan ang halapad nga manhunt operation aron pangitaon ang suspek ug ipadlak sa bilanggoan. (Orlando B. Dinoy)
Gipatik sa mantalaang SuperBalita Davao Hulyo 23, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
