Nagpatay sa kapitan taralon Agosto 31
-A A +AMonday, July 30, 2012
ANG akusado sa pagpatay sa kapitan sa Barangay Lacson nga si Aldion Layao gitakdang motubag sa alegasyon batok kaniya sa Regional Trial Court (RTC).
Si RTC Branch 14 Judge George Omelio nagtakda sa pagtaral kang Petronillo Demicillo karong Agosto 31 sa kasong murder nga gipasaka kaniya.
Ang City Prosecutor’s Office (CPO) nakakita og hinungdan nga ipasaka ang kaso batok kaniya tungod sa pagpatay kang Layao didto sa Purok 4, Barangay Lacson, niadtong Abril 8.
Tungod sa pagkapakyas sa pagtubag sa kaso, si Prosecutor Marte Melchor Velasco nagresolba sa kaso batok sa akusado base sa ebidensiya ug testimonya sa asawa sa biktima nga si Rica Nina Layao, ug duha ka mga saksi.
Si Layao gipusil patay sa tawong nagsakay og motorsiklo samtang nagmaneho sa iyang sakyanan pauli sa ilang balay.
Si Demicillo positibong giila sa mga saksi nga maoy mipusil sa biktima niadtong Abril 8.
Nasikop siya sa Davao City Police Office's Investigation and Detection Management Branch niadtong Abril 14 didto sa iyang balay sa Barangay Baganihan, Marilog District.
Politika ang nakitang motibo sa kapulisan. Ug way piyansang girekomenda ang piskalya alang sa temporaryong kagawasan sa akusado. (Arianne Caryl N. Casas)
Gipatik sa mantalaang SuperBalita Davao Hulyo 31, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
