Namusil gisuklan
-A A +AMonday, July 30, 2012
TAGUM CITY -- Daghang basiyo sa mga bala ang nahipos sa mga otoridad human sa nahitabong pinusilay tali sa riding-in-tandem killers (RTK) ug sa ilang buot patyon nga tawo alas 11:30 sa buntag niadtong Dominggo.
Nahitabo ang pinusilay didto sa Eagle Street, Villa Rosal Subdivision, Barangay South, siyudad sa Tagum.
Puntirya sa mga kriminal mao si Franklin Romasanta, 41, minyo, ug molupyo sa Purok Durian, Barangay San Miguel, sa maong siyudad.
Giatake ang biktima dihang pauli na unta siya sa ilang balay sakay sa iyang Crypton Yamaha nga motorsiklo nga dunay plaka numero 7372-LG.
Giingon nga gitaparan ang biktima sa laing motorsiklo nga XRM ug way daghang pangutana gipusil siya sa angkas nini sa makadaghang higayon.
Naigo ang biktima sa ubos nga bahin sa likod sa ulo, tikod ug sa walang tuhod mao nga natumba ang motorsiklo.
Mibawos ang biktima pinaagi sa pagpabuto sa iyang .45 kalibre nga pistola nga miresulta sa pagkaigo sa usa mga mamumuno.
Daling misibat ang mga kriminal samtang ang biktima gitambalan sa Tagum Docotr's Hospital.
Gilusad karon ni Senior Police Officer 1 Nathaniel Apolonio sa Tagum City Police Office ang makuting imbestigasyon aron mailhan ug masikop ang mga suspek. (Teddy Cabana)
Gipatik sa mantalaang SuperBalita Davao Hulyo 31, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
