Nag-inom naglalis, kauban gidunggab
-A A +ATuesday, July 31, 2012
SAN ISIDRO, Davao del Norte - Grabe ang kahimtang sa usa ka mag-uuma human gidunggab sa iyang higala alas 2:10 sa hapon niadtong Lunes didto sa Barangay Pinamuno.
Nailhan ang biktima nga si Jovanie Escototo, 32, minyo, molupyo sa maong lugar, samtang suspetsado naila nga si Romel Tigle, 46, minyo, molupyo gihapon sa maong lugar.
Sa imbestigasyon ni Police Officer 3 Antero Salaysay sa San Isidro Municipal Police Station, nasayrang sila si Escototo ug Tigle nag-inom.
Sa dihang nangahubog na, kalit lang nagkalalis sa walay tino nga hinungdan, hinungdan sa pagpanunggab.
Sumala pa nga mikuha og kutsilyo ang suspetsado nga dunay gitas-on nga onse pulgada dayong hansak makaduha ka higayon kang Escototo tumong sa tuong dughan.
Daling gidala ngadto sa Kapalong Disitrict Hospital (KDH) ang biktima, apan sa kakulang sa gamit sa KDH gibalhin siya sa Davao Regional Hospital sa Tagum City.
Sa sulod sa selda, nagmahay ang suspek nganong gidunggab niya ang kainom tungod lamang sa kahubog. (Teddy Cabana)
Gipatik sa mantalaang SuperBalita Davao Agosto 01, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
