Drayber natulog, motor gikarnap
-A A +AFriday, August 3, 2012
TAGUM CITY - Nagmata na lang og buntag ang usa ka lalaki human nga gikawat ang iyang motorsiklo atbang lang sa Davao del Norte Provincial Police Office (DNPPO) alas 9 sa gabii niadtong Huwebes.
Nasayran nga si Johnny Asistido, 27, minyo, molupyo sa Purok Orchids, Bingcungan, Tagum City natulog sa waiting shed nga atbang lang sa buhatan sa DNPPO samtang naghuwat og pasahero.
Iya matud pang giparada ang iyang motorsiklo nga Suzuki FJ110 nga dunay serial number 751365, engine number E433-445285 ug chassis number BE4 EA 145463 duol lamang gayud sa iyang gihigdaan.
Apan sa iyang paghinanok, wala gyud niya mabantayi matud pa nga gikawat ang iyang motor sa wala mailhing suspetsado.
Dali dayon niyang gipahibawo ang hitabo sa buhatan sa Tagum City Police Office (TCPO).
Si Senior Police Officer 1 Nathaniel Apolonio, imbestigador sa TCPO, gilayong nag-alarma sa ubang mga estasyon sa pulis sa probinsiya aron nga marekober ang gikawat nga motor sa biktima. (Teddy Cabana)
Gipatik sa mantalaang SuperBalita Davao Agosto 04, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
