Karnaper subling mibalik

DIGOS CITY - Subling mibalik ang mga karnaper sa maong siyudad diin nabiktma ang usa ka ginang niadtong Sabado sa gabii.

Ang biktima kinsa igo lang nangayo og panabang sa kapulisan mao si Edna Balbuena.

Si Balbuena nagbutyag nga kalit lang nahanaw ang iyang XRM 125, kolor itom, nagbaton sa plakang YR 7199.

Ang motorsiklo nahanaw samtang giparada sud sa balay sa ginang apan wa siya masayod kinsa ang nagkawat niini.

Ang kapulisan nga mitubag sa alarma nagbutyag nga hayan gikarnap sa organisadong grupo sa mga karnaper ang motorsiklo.

Gibutyag sa biktima nga wa gyud siya makamatikod nga adunay tawong misulod sa ilang panimalay niadtong higayona.

Milihok na ang mga otoridad aron pangitaon ug bawion ang maong motorsiklo dungan sa pagpahibawo sa silingang kalungsuran nga aduna na say motor nga gikawat sa ilang area of responsibility. (Orlando Dinoy)