Natulog gitulis
-A A +ANi Blue Cordero
Sunday, August 5, 2012
GITULIS sulod sa iyang balay ang usa ka lalaki samtang natulog alas 4:30 sa kadlawon niadtong Sabado didto sa Purok 17, Barangay Lubogan, Toril District, siyudad sa Davao.
Ang biktima mao si Edgar Gardente, 30, ulitawo, taga Block 4, Lot 22, Country Homes, Purok 17, Barangay Lubogan.
Nasayran nga natulog ang biktima sulod sa iyang balay dihang nakasulod ang usa ka lalaki nga gihulagway nga anaa sa 5'5” ang gitas-on, nagsuot og kolor itom nga t-shirt ug short pants, nagsuot og bonnet.
Ang biktima gitionan og wala matinong kalibre sa pistola ang biktima dungan sa pagdeklara nga hold-up.
Gikuha sa tulisan ang cell phone sa biktima ug pitaka nga dunay sulod nga P800 dayon misibat agi sa luyo nga bahin sa balay.
Nagpahigayon na karon og man hunt operation ang kapulisan para madakpan ang maong tulisan.
Gipatik sa mantalaang SuperBalita Davao Agosto 06, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
