2 kampo sa militar gisulong

COTABATO CITY - Gisulong sa mga miyembro sa Bangsamoro Islamic Freedom Movement (BIFM) ang posisyon sa militar sa probinsiya sa Maguindanao ug North Cotabato alas 11 sa gabii niadtong Dominggo.

Gibutyag ni 6th Infantry Division Public Affairs chief Colonel Prudencio Asto nga gipabuthan sa mga rebelde ang mga detachment sa 1st Mechanized Infantry Light Armor Brigade sa Philippine Army didto sa munisipyo sa Datu Unsay, Datu Saudi Ampatuan, Guindulungan, Shariff Aguak, Datu Anggal Midtimbang ug Talayan, Maguindanao.

Apan mga sundalo dali nga nakabantay hinungdan nga nakigpinusilay hinungdan sa pag-atras sa mga rebelde.

Sa pagkakaron, padayon ang katag-katag nga pinusilay human gilutos sa militar ang mga rebelde.

Gumikan niini, wala na paagi una sa mga sakyanan ang Maguindanao-General Santos Highway aron nga di madamay sa kagubot.

Dugang ni Asto nga sentrong giatake sa rebelde ang posisyon sa mga sundalo sa National Highway gamit ang Rocket Propelled Grenade (RPG) ug mortar.

Sa kasamtangan, duha na ang napatay sa grupo ni Kato ug libuan ka mga sibilyan ang namakwet gikan sa mga apektadong dapit.

Gisulong sab sa mga rebelde ang mga detachment sa militar sa hilit nga barangay sa Pikit ug Midsayap, North Cotabato.

Ang BIFM nga gipangulohan ni Kumander Ameril Ombra Kato dakong supak sa gitakdang pagpirma og Final Peace Agreement sa Moro Islamic Liberation Front ngadto sa gobyerno.