Ugangan gitigbas sa umagad
-A A +AMonday, August 6, 2012
BANSALAN, Davao del Sur - Usa ka amahan ang nadala sa balay tambalanan human gitigbas sa iyang umagad alas 8:30 sa gabii niadtong Dominggo didto sa Barangay Alegre.
Giila ang biktima nga mao si Allan Gonzales, hingkod ang pangedaron samtang ang suspek mao si Sheridan Remiscal, 31, ug pulos molupyo sa nahisgutang lugar.
Hinuon gitin-aw ni Senior Inspector Milgrace Driz, hepe sa Bansalan Police Station, nga daling natabang ang biktima ug gidala sa Viacrusis Medical Clinic.
Apan dugang ni Driz nga wa na sila maglisud sa pagpangita sa suspek sanglit boluntaryo siyang nitahan sa kaugalingon ngadto sa ilang buhatan.
Personal nga bangi sa ugangan ang hinungdan kon nganong gitigbas siya sa umagad.
Hinuon, kapulisan padayon pang nag-imbestigar sa hitabo alang sa pormal nga pagduso og tukmang kaso sa hukmanan batok sa suspetsado. (Orlando B. Dinoy)
Gipatik sa mantalaang SuperBalita Davao Agosto 07, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
