Nagpabuto'g landmine gisikop sa pulis
-A A +AWednesday, August 8, 2012
PINAAGI sa kaigmat sa mga residente ug barangay police, malampusong nasikop ang tawo nga maoy mipabusikad sa landmine niadtong Dominggo.
Ang pagpabuto nahitabo didto sa Sitio Bajada, Paradise Embac, Paquibato District, siyudad sa Davao.
Nasikop niadtong Lunes mao si Mark Jhon Odorios, 19, residente sa Sitio Bajada.
Si Odorios gikustodiya karon sa Paquibato Police Station samtang gipaabot kanus-a taralon ang iyang kaso sa korte.
Ang suspek positibong giila sa mga nakasaksi sa pagbusikad sa landmine niadtong Agosto 5.
Suma ni Lieutenant Colonel Lyndon Paniza, tigpamaba sa 10th Infantry Division sa Philippine, baynte minutos human sa pagbusikad, gipahibalo dayon sa mga residente ang mga sakop sa Peace and Development Team.
Dugang ni Paniza nga usa ka Melvin Lucanas mipresenta sa mga fragments sa landmine gikan sa lugar.
Si Lucanas nagsulti nga gikan siya sa Panabo City paingon sa Paradise Embac diin niya nadiskubrehan ang mga parte sa landmine.
Giingon ni Paniza nga wa hinuoy nasamdan sa maong pagbusikad.
Gipasalamatan sa opisyal ang katawhan nga abtik kaayong mipahibalo sa otoridad.
"This is an indication that our people and the local government units are now empowered and are joining our campaign for peace and development in this area," pahayag ni Paniza.
Gisusi pa karon sa otoridad kon unsay grupo sa suspek kinsa nakabaton og landmine. (Alger P. Dura)
Gipatik sa mantalaang SuperBalita Davao Agosto 09, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
