Namaligya’g ‘dollars’ giaresto
-A A +ANi Blue Cordero
Thursday, August 9, 2012
GIARESTO sa kapulisan ang usa ka 52 anyos nga lalaki human misulay nga mamaligya og mga pekeng dolyares alas 4:00 sa hapon niadtong Miyerkules.
Nasikop ang suspek sulod sa Mandarin Restaurant nga nahimutang sa dalang Ilustre, siyudad sa Davao.
Ang suspek mao si Lope Tugunon Sabatin, minyo, lumad nga taga Barangay Wacat, lungsod sa Barobo, Surigao del Sur.
Si Sabatin gireklamo kini sa biktimang si Restitutu Luab Layan, 60, minyo, usa ka empleyado sa gobyerno ug taga Block 5, Lot 7, Talomo Proper, ning siyudad.
Nasayran nga nagkasabot ang duha nga magkita sa Mandarin Restaurant para sabutan ang gibaligyang mga dolyares sa suspek.
Dihang nasayran sa biktima nga mga peke ang gipangbaligyang dolyares sa suspek, gisita niini ang suspek kinsa misulay pagdagan.
Nagunitan ni Layan si Sabatin ug daling gi-endorso ngadto sa miaging Mobile Patrol 42 sa San Pedro Police Station.
Nakuha sa posisyon ni Sabatin ang dul-an 300 mil dolyares nga kantidad sa lain laing denominasyon ug P8,000 nga pekeng kwarta.
Ginaandaman na nga pasakaan og kaso ngadto sa korte ang suspek.
Gipatik sa mantalaang SuperBalita Davao Agosto 10, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
