Sinaligan ni Kato sikpaw
-A A +AThursday, August 9, 2012
KIDAPAWAN CITY - Usa sa mga sinaligan ni Bangsamoro Islamic Freedom Movement (BIFM) Chairman Kumander Ameril Ombra Kato ang nadakpan sa militar alas 4:45 sa hapon niadtong Miyerkules didto sa probinsiya sa Cotabato.
Giila ang dinakpan nga si Bagi-Bagi Guila Dumila, alyas Kumander Bagi, nga giingon nga field commander sa BIFM nga naglihok sa North Cotabato.
Basi sa spot report nga nakuha gikan sa Cotabato Police Provincial Office nasayran nga nasiplatan si Dumila sa kapulisan sa merkado publiko sa Barangay Poblacion, Banisilan, hinungdan nga dali dayon siya nga gidakop.
Si Dumila dunay warrant of arrest nga giisyu ni Regional Trial Court 12 Branch 24 Judge Lily Laquindanum gumikan sa kasong pagpatay.
Dugay na nga gipangita ang suspetsado sa otoridad kon diin nagtago-tago sa mga hilit nga dapit sa Banisilan ug nakig-alayon sa ubang pundok sa mga rebelde.
Daghan sa mga sibilyan ang nagsulti nga si Dumila kanhi sakop sa Moro Islamic Liberation Front apan sa diha nga mihawa si Kato ug mimugna sa BIFM miuban si Kumander Bagi.
Ang dinakpan gibalhog na sa selda sa Midsayap Police Station aron i-presentar sa hukmanan. (Edgardo Fuerzas)
Gipatik sa mantalaang SuperBalita Davao Agosto 10, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
