Magsuon nalumos sa suba, patay
-A A +AFriday, August 10, 2012
PATAY ang duha ka mga batang magsuon human nalumos sa sapa alas 3:21 sa hapon niadtong Huwebes didto sa Sitio Malikongkong, Barangay Marilog, Marilog District, siyudad sa Davao.
Naila ang mga biktima nga sila si Apolinar Ejoc Jr., 6, ug John Paul Ejoc, 8, molupyo sa nahisgutang lugar.
Sa imbestigasyon sa Marilog Police Station, nasayran nga kalit lang nga nangawala ang magsuon sa sapa ug sa dihang gipangita na sila sa ginikanan, nasayran na nga nangalumos na kini sa sapa nga duol sa ilang balay.
Gisulayan pa pagdala sa Isaac Robillo Memorial Hospital ang mga biktima apan gideklarar na silang “dead on arrival” ni Dra. Karen Mae Sueno.
Ang patay’ng lawas sa magsuon gihaya na didto sa ilang puloy-anan. (Blue Cordero)
Gipatik sa mantalaang SuperBalita Davao Agosto 11, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
