Mga ‘private army’ padayon nga puhagon
-A A +AFriday, August 10, 2012
DAVAO del Sur -- Nagbahad si Governor Douglas Cagas nga daghan pa ang mga Private Armed Group (PAG) ang puhagon pipila ka adlaw gikan karon.
Sumala ni Cagas nga ang pagpuhag sa mga PAG nahisubay sa direktiba ni Presidente Benigno Aquino III ug dili niya buot nga mahimong maduguon ang taliabot nga 2013 elections tungod sa mga politiko nga dunay mga armadong grupo.
Gihangop ni Cagas ang gihimo’ng pag-ronda sa kapulisan sa balay ni Mayor James Joyce didto sa lungsod sa Jose Abad Santos ug nakuhaan ug tag-as nga mga kalibre sa armas.
Apan matod sa kampo ni Joyce nga nagbaton lamang sila ug daghang armas tungod sa kampanya batok sa New People's Army (NPA).
Sa kasamtangan, nakaangkon ug temporaryong kagawasan si Joyce human nakapiyansa sa kantidad nga P200 mil samtang ang unom niya ka mga guwardiya nga apil sa pagkasikop wala mapasakai ug kaso sa piskalya tungod sa kakuwang sa mga ebidensiya. (Orlando B. Dinoy)
Gipatik sa mantalaang SuperBalita Davao Agosto 11, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
