Computer technician gipusil sa gikalalis
-A A +ASaturday, August 11, 2012
DIGOS CITY - Gipangita na sa kapulisan ang usa ka lalaki nga namusil sa computer technician human gikalalis gumikan lang sa computer.
Usa ka alyas Joel ang gitumbok nga suspetsado, uban sa lain pang kauban nga namusil kang Neil Masongsong Mancao, 34, molupyo sa dalang Aurora Extension, Barangay San Jose, ning siyudad.
Sa taho sa Digos City Police Office (DCPO), nasayran nga nahitabo ang insidente banda alas 11:30 sa buntag niadtong Biyernes didto sa Sityo Camiguin, Barangay Aplaya.
Sumala pa nga nakalalis ni Mancao si alyas Joel gumikan lang matud pa sa computer.
Wa hinuon maklaro kon nganong nagkalalis ang biktima ug suspetsado sa computer.
Dugang nasayran nga kalit lang mikuha og pistola ang suspetsado ug gipusil ang biktima kinsa naigo sa tuong bahin sa batiis.
Daling gidala siya sa Davao del Sur Provincial Hospital.
Human sa hitabo, daling mieskapo si alyas Joel ug kauban padung sa wala matinong direksiyon kon diin gipangita na karon sa kapulisan.
Nasayran nga nakarekober na ang biktima sa samad nga iyang naangkon human matambali sa ospital.
Gipatik sa mantalaang SuperBalita Davao Agosto 12, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
