Mag-uuma gitadtad sa kainom
-A A +ASunday, August 12, 2012
USA ka mag-uuma ang namatay human gitigbas sa laing mag-uuma alas 4 sa kaadlawon kagahapon didto sa Barangay Catigan, Toril District, siyudad sa Davao.
Ang biktima mao si Gerardo Boyre, hamtong ug nagpuyo sa Purok 5, Malinan, Barangay Catigan.
Giila sab sa kapulisan ang suspek nga mao si Jason Matuti Agustin, 28, minyo ug silingan sa biktima.
Base sa sport report sa kapulisan, nag-inom ang duha una nahitabo ang pagpanigbas.
Mga saksi nagbutyag nga nagkalalisay ang dunay nga misangko sa pagsinumbagay ug dihang natumba ang suspek, pusilon unta kini sa biktima, apan wala mibuto ang iyang pusil.
Nakahigayon si Agustin pagkuha sa iyang gitakin nga sundang dayon gitibas sa makadaghan nga higayon ang biktima nga miresulta sa iyang kamatayon.
Misurender ang suspek ngadto sa barangay nga mao usab ang mitunol kaniya sa Toril Police Station.
Giandam na ang kaso sa kapulisan aron ipasaka ngadto sa korte batok sa suspek. (Blue Cordero)
Gipatik sa mantalaang SuperBalita Davao Agosto 13, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
