Nagkabo og tubig, gipatay
-A A +ASunday, August 12, 2012
COTABATO CITY - Usa ka babaye ang gipusil patay alas 3:00 sa hapon niadtong Sabado.
Giila ang biktima nga mao si Richelle Lantike, 30, minyo ug molupyo sa Purok 3, Barangay Bagua 2.
Si Cotabato City Police Director Sr. Supt. Danny Reyes nagbutyag nga nahitabo ang insidente samtang nagkabo og tubig ang biktima atbang sa ilang bay.
Suma sa report, kalit lang mibutho ang duha ka wala mailhing tawo ug gipusil siya gamit ang .45 kalibre nga pistola.
Human sa pagpamusil, daling misibat ang mga suspetsado sakay sa usa ka motorsiklo paingon sa wala matino nga dapit dihang ilang nakit-an nga naligo na ang biktima sa kaugalingong dugo.
Gisapupo si Lantike sa iyang mga paryente paingon sa Cotabato Regional and Medical Center, apan gideklara siya sa mga attending physician nga dead on arrival.
Nakaangkon og samad pinusilan ang biktima sa iyang likod ug tangkugo nga maoy hinungdan sa iyang kamatayon.
Hangtud karon blangko pa ang kapulisan sa motibo sa pagpatay sa biktima.
Gipatik sa mantalaang SuperBalita Davao Agosto 13, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
