2 mibisita sa City Jail nagdala druga, giposasan
-A A +ASunday, August 19, 2012
NASIKOP sa mga jail guards ang duha ka mga babaye nga nakuhaan og shabu alas 10:00 sa buntag kagahapon sa Gate 1, Maa City Jail.
Mga suspek mao sila si Emily Cortes Abella, 24, taga Sparrow Street, Ecoland, ug Mary Grace Jupia, 25, taga Abro Compound, Ecoland, Barangay 76-A Bucana, siyudad sa Davao.
Ang duha mobisita unta kang Nonito Jupia Jr. kinsa napriso tungod kay namaligya og druga sud Maa City Jail.
Nakuha gikan sa posisyon sa duha mao ang usa ka improvised glass tooter ug usa ka pakete nga shabu.
Nadakpan ang duha samtang gi-body search sa mga jail guards nga nagbantay sa pultahan sa prisohan.
Mga jail guards nagduda nga dunay anomalya ang gihimo sa mga suspek dihang gihikap ang plastic nga butanganan og sud-an nga pasayan.
Sa ilang pagsusi, gipailawman ang daghang shabu nga maoy ilang ibaligya sud sa prisohan mao nga giposasan sila ug gidala sa buhatang sa Philippine Drug Enforcement Agency-Davao. (Seth delos Reyes)
Gipatik sa mantalaang SuperBalita Davao Agosto 20, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
