Gitadtad sa manghud
-A A +ASunday, August 19, 2012
BANSALAN, Davao del Sur -- Giunay pagtadtad sa kaugalingong igsuon ang iyang maguwang sa wa pa matinong rason alas 4:30 sa hapon niadtong Sabado.
Ang insidente nahitabo didto sa Barangay New Clarin, sumala ni Senior Inspector Milgrace Driz, hepe sa Bansalan Police Station.
Giila ni Driz ang biktima nga mao si Romulo Beso, 37, ulitawo, samtang ang suspek mao si Jerry, 33, minyo, ug pulos nanimuyo sa lugar.
Ang biktima nahiagom og samad tinigbasan sa tuong bahin sa iyang abaga, apan dali nga gihatod sa duol nga Viacrusis Medical Clinic alang sa medikasyon.
Gipangita na sab sa kapulisan ang suspek kinsa daling misibat aron likayan ang sala nga iyang nahimo batok sa maguwang.
Di pa masulti sa kapulisan kun unsay motibo nganong buot patyon sa suspek ang iyang kaugalingong igsuon. (Orlando Dinoy)
Gipatik sa mantalaang SuperBalita Davao Agosto 20, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
