Pagkahagsa sa eroplano wa pa masayri ang hinungdan
-A A +ASunday, August 19, 2012
STA. CRUZ, Davao del Sur -- Wa pa masayri kung unsay hinungdan nga kalit nahagsa ang abyon sa kadagatan sa Sityo Lawis, Barangay Bato ning lungsod niadtong Huwebes sa buntag.
Sa maong insidente, luwas ug way tatsa ang pilotong si Captain Tanada Bagarang Pinto human kalit nagdauot ang 4 seater Cessna plane nga adunay body number RPC 391.
Si Tadjar Sahifa, usa sa mga molupyo sa lugar, maoy nakaluwas sa biktima aron tabangan nga makagawas sa abyon.
Ang Cessna plane gipanag-iyahan ni Lito Lucas nga molupyo sa Magallanes Street, siyudad sa Davao, kinsa mao ang pasahero ni Pinto paingon sa Tumbler, dakbayan sa General Santos.
Bisan si Pinto naglibog unsay hinungdan kay alang niya bag-o lang gipailawom sa maintenance check-up ang eroplano.
Pabalik na unta kini sa Davao Airport sa dihang nag-trouble ang makina ug naningkamot siyang mobalik sa pinakaduol nga landinganan sa gagmay'ng eroplano didto sa Guihing, Hagonoy, Davao del Sur, apan wa na makaabot.
Gihuwat ang mga teknisyan sa Civil Aeronatics Association of the Philippines (CAAP) aron imbistigahan ang insidente. (Orlando Dinoy)
Gipatik sa mantalaang SuperBalita Davao Agosto 20, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
