Nagbaraha gigulgol ang liog
-A A +AMonday, August 20, 2012
KRITIKAL karon ang kahimtang sa usa ka lalaki human gigulgol ang iyang liog sa usa ka traysikad dryber samtang nagdula og baraha alas 3:45 sa hapon niadtong Dominggo.
Ang insidente nahitabo didto sa Barangay Matina Crossing, siyudad sa Davao.
Ang biktima giila nga si Danilo Biliran Loquellano, 38, minyo ug nagpuyo sa Guadalupe Village, Matina Crossing.
Naila usab ang suspek nga mao si Renerio Fiel Olanolan, 27, ulitawo, trysikel drayber ug nagpuyo sa Arroyo Compound, Matina Crossing.
Base sa blotter sa Talomo Police Station, nasayran nga nagdula niadtong tungora ang biktima og baraha kauban ang iyang mga silingan dihang kalit nga giduol sa suspek dayon gigulgol ang liog gamit ang karit.
Daling misibat ang suspek human sa panghitabo samtang dali usab nga gidala ang biktima sa iyang mga paryente sa Davao Adventist Hospital.
Mihimo dayon og man-hunt operation ang kapulisan miresulta sa pagkasikop sa suspek.
Giadam na ang kasong attempted murder batok sa suspek nga si Olanolan. (Blue Cordero)
Gipatik sa mantalaang SuperBalita Davao Agosto 21, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
