Salmot sa Super Suki Pahalipay dawaton na

NAHUMAN na gayud ang mga aktibidad sa 27th Kadayawan sa Dabaw Festival mao nga daghan ang mga grupo nga malipayong nagpahulagway sa mga dapit diin gihimo ang kalingawan sa siyudad sa Davao.

Tungod niini, giawhag na tagdumala sa Superbalita ang mga Dabawenyo nga ipadala na ang ilang mga salmot.

Ang inyong mga salmot maoy among bolahon aron makadawat kamo og premyo, mapatik sab ang hulagway sa inyong grupo ug barkadahan nga naglingaw-lingaw sa mga aktibidad sa Kadayawan.

Kining maong pahalipay gituyo sa Superbalita aron sa ingon, ikapadayag ninyo ang inyong kalipay sa pagsaulog sa maong festival.

Alang sa inyong kasayuran, ania ang pipila ka pamaagi sa pagsalmot:

1. Ipadala ang hulagway sa inyong grupo (di moubos sa lima ka miyembro) diin misaksi kamo sa mga aktibidad sama Hiyas ng Kadayawan, Indak-indak sa Kadalanan, etc.;

2. Mga hulagway nga mamahimong ipadala mao ang 3R size pictures (puwedeng soft copy nga i-save sa CD);

3. Isuwat sa laing papel ang paghulagway (description) sa inyong grupo nga misalmot sa usa ka aktibidad. Ang paghulagway mamahimong suwaton sa pinulongan nga Cebuano o Tagalog nga di moubos sa 300 ka pulong (words);

4. Isip pamatuod nga ang sumasalmot suking mambabasa, kinahanglan nga isukip ang lima (5) ka mastheads sa Superbalita;

5. Mga salmot (entries) ipadala sa among buhatan nga nahimutang sa Doors 5 & 6, Granland Building, Barangay Rafael Castillo, Agdao District, Davao City;

6. Mga madawat nga hulagway among ipatik dinhi sa Superbalita;

7. Sa tanang gipadalang hulagway namo pilion ang monthly winner; ug,

8. Ang mapiling mananaug makadawat og pahalipay (gift certificate kantidad P1,000.00) ug ipatik sab ang inyong grupo sa Superbalita sa katapusan sa Agosto. (SSB)