Banggiitang salamangkiro sa kalibutan moabot sa Davao
-A A +ATuesday, August 21, 2012
ANG 9th Asian Magic Association Convention pagahimuon karong umaabot nga Septiyembre 14 hangtud 17 sa Royal Mandaya Hotel sa dalang Ponciano, siyudad sa Davao.
Samtang himuon ang convention, duna say himuon nga Star Magic Show diin ipakita ang abilidad sa mga madyikero nga gikan sa nagkadaiyang nasud sa kalibutan.
Ang magic show himuon karong Septiyembre 14 ug 15 sa University of Mindanao Matina Campus Gym ug Septiyembre 16 sa Big 8 Corporate Hotel sa siyudad sa Tagum.
Dinhi sa Pilipinas partikular sa dakbayan sa Davao himuon ang convention sa mga madyikero sa tibuok kalibutan para makatabang sa turismo.
Kini ang pamahayag ni Cris Castro kinsa tsirman sa 9th Asian Magic Association.
"Dito ito gagawin sa Davao para makatulong sa Tourism Department sa bansa. Alam naman natin na medyo masama pa ang impression ng mga taga Hong Kong sa Manila dahil sa nangyaring Bus Hostage taking. So, Dito natin sa Davao gagawin," pamahayag ni Castro.
Gilaumang moabot ngadto sa 350 ka mga partisipante nga nagagikan sa Pilipinas ug sa laing parte sa kalibutan ang mosalmot sa maong convention.
"Kung gusto ninyo na makapanood nga world class na mga magic, you don't have to go to Las Vegas. Mangyayari yan this coming September 14-15-16," dugang ni Castro.
Tungod niini, giawhag niya ang katawhan nga mosaksi sa nagkadaiyang matang sa mahika nga ipakita sa mga banggiitang madyikero sa kalibutan. (Blue Cordero)
Gipatik sa mantalaang SuperBalita Davao Agosto 22, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
