Guwardiya naunay sa armas, grabe
-A A +ATuesday, August 21, 2012
USA ka security guard ang gidala sa balay tambalanan human kini nabuthan sa iyang 12 gauge shotgun alas 3:10 sa kadlawon kagahapon didto sa Sitio Marina, Barangay Binugao, Toril District, siyudad sa Davao.
Naila ang bikima nga si Arnold Pino, 20, ulitawo, security guard sa Black Mist Security Agency, lumad nga taga Matalam, North Cotabato ug nagpuyo sa Barangay Inawayan, Sta. Cruz, Davao del Sur.
Base sa spot report ni PO2 Barney Jones Batuto sa Toril Police Station, nasayran nga samtang naglimpyo sa iyang sapatos ang biktima sa iyang gibantayan Ice Plant, aksidenteng nahulog ang armas mao nga iyang nakablit ang gatilyo.
Maayong pagkaigo sa abaga sa biktima mao gidala siya sa Davao Adventist Hospital sa Bangkal.
Nasayran nga mibanda ang mga bala sa semento ug naigo ang iyang tiyan ug tuong kamot.
Daling gitambalan ang biktima kinsa padayon giobserbahan sa mga doctor ang kahimtang sa biktima. (Blue Cordero)
Gipatik sa mantalaang SuperBalita Davao Agosto 22, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
