Mga lokal opisyal sa DavSur nagbangotan

DAVAO DEL SUR - Nasubo ang daghang mga lokal nga opisyal sa lalawigan human gikompirma niadtong Martes sa buntag nga patay na si Interior and Local Government Secretary Jessie Robredo.

Si Sta. Cruz Mayor ug Atty. Joel Ray Lopez nasayangan kaayo kang Robredo kay alang niya usa ka maayong tawo ug sulundon ang mga buhat sa pagbag-o sa panggobyerno sa nasud.

"He really encouraged us to implement good housekeeping in government service. He is a great loss for us knowing that he is really dedicated in his anti-corruption campaign. We are saddened on his death," butyag ni Lopez.

Ang Davao del Sur Provincial Police Office (DDSPPO) nga direktang kontrol sa Department Interior and Local Government (DILG) nagbangotan sab sa nahitabo.

Gikanayon ni Senior Superintendent Ronaldo Llanera, provincial police director, sa Superbalita nga kasub-anan ang gibati sa nasud human sa iyang kalit nga kamatayon.

"It was already expected but the confirmation of his death triggers of sad emotions to flow," pung pa niya.

Sa lungsod sa Bansalan, nagsubo sab ang mga sakop sa kapulisan.

"In behalf of Bansalan Municipal Police Station, condolence to the bereave family of our beloved hardworking, dedicated and down to earth leader. He is an epitome of a true leader. He dies with dignity and honor as devoted public servant," sumala ni Senior Inspector Milgrace Driz, hepe sa kapulisan sa lungsod.

Samtang ang pamunoan sa DILG sa lalawigan nibati og tumang kaguol human gitaho sa telebisyon nga patay na ang ilang pamuno.

Sayo niini, nihalad og pag-ampo ang ilang buhatan sa tinguha nga maluwas si Robredo.

Sumala ni Abito Bernasor, DILG provincial director, nga ang kamatayon ni Robredo dili lang kawad-on sa ahensiya sa DILG apan ngadto sa administrasyon ni Presidente Benigno Aquino III ug katawhang Pilipino.

"Perhaps even to the whole nation he's a great leader, a committed public servant, an innovator and most of all a true person," matud ni Bernasor.

Si Robredo, gihulagway ni Bernasor nga usa ka lig-on ug maayong lider nga iyang gitawag nga "walks the talk" ug naglaum nga ang iyang legasiya mapadayon sa bisan kinsa nga mosunod sa iyang posisyon.

Sa dakbayan sa Digos, wa kapugngi nga mitulo ang luha ni Debbie Taypen-Torres, DILG officer, human gipahibawo ni Department of Transportation and Communication Secretary Mar Roxas nga nakit-an na ang patay'ng lawas sa kalihim.

Matud ni Torres nga daw naghimo og maayong pang-gobyerno ang Kahitas-an sanglit gipangkuha niya ang mga maayong tawo.

"Magsaysay, (Ninoy) Aquino and now Robredo. God must be forming a government up there and He is bent on picking out the best of them. Rest in peace Secretary Robredo," pung ni Torres.

Bisan ang ahensya sa Commission on Election sa lalawigan nagsubo sab sa nahitabo.

Matud ni Lawyer Maria Febes Barlaan, provincial election supervisor, "Good man in the government of PNoy dies early, the bad ones remain. God bless his soul."

Sa pikas bahin, si Davao del Sur Governor Douglas Cagas nipabuhagay sab nga suod niyang higala si Robredo sukad pa niadtong tuig 1986.

"He's a very big loss to his family, friends, government and nation. Why do good men dies ahead of bad ones?" pangutana ni Cagas.

Gipaubos sab ang bandila sa nasud mga ahensiya sa kagamhanan sa lalawigan isip pagyukbo sa namatay nga kalihim. (Orlando B. Dinoy)