Hubog nalumos, patay
-A A +AThursday, August 23, 2012
HUMAN sa kalipay nga gibati sa tibuok pamilya nga mitambong sa birthday party, kasubo ang mihulip human nalumos ang ilang kabanay alas 3:00 sa hapon niadtong Miyerkules.
Ang insidente nahitabo didto sa Torres Beach, Purok Pieces, Bucana, Barangay Lasang, siyudad sa Davao.
Ang biktima mao si Mariano Zamora, 46, ulitawo, chainsaw operator, nagpuyo sa Purok 2, Waterfall, Panabo City.
Base sa spot report sa Bunawan Police Station, ang biktima malipayon kaayong naligo sa dagat kauban ang kabanay nga nagsaulog sa adlaw nga natawhan ni Angelito Flores.
Nasayran nga nagtagay ang tibuok banay og ilimnong makahubog ug dihang nahubog na ang biktima, naligo siya sa dagat.
Samtang nalingaw ang ubang paryente, wa sab nila nabantayan nga nalumos na ang biktima sa dagat.
Malampuson nilang nahaw-as ang biktima sa dagat, apan gideklarang patay na siya mao nga gidala sa Rivera Funeral Homes. (AD)
Gipatik sa mantalaang SuperBalita Davao Agosto 24, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
