Pagpatay sa army reservist gisusi
-A A +AThursday, August 23, 2012
STA. CRUZ, Davao del Sur - Usa ka sakop sa Army Reserved Command (Arescom) ang gipusil sa wa mailhing suspetsado samtang naglantaw og telebisyon sud sa balay sa iyang paryente.
Nahitabo ang insidente alas 8:00 sa gabii niadtong Miyerkules didto sa Sityo Malusing, Barangay Zone 1.
Ang biktima mao si Ruben Lucina Vicente, 48, minyo.
Nasayran nga si Vicente, gawas nga sakop sa Arescom, nagtrabaho sab siya isip traffic aide ug nadestino sa Barangay Patalulangon sa Barangay Zone 1.
Gipusil ang biktima sud sa panimalay sa iyang paryente nga si Mercy Pango Lopez gamit ang kalibre .45 nga pistola sa wa pa mailhing suspetsado.
Ang biktima nahiagum og samad pinusilan sa iyang ulo hinungdan sa kamatayon.
Nakarekober ang kapulisan og duha ka mga basiyo sa bala sa kalibre .45 pistola gikan sa nahitaboan.
Si Police Officer 2 Herejie Huerbana nihimo na og dugang imbestigasyon sa hitabo aron matugkad ang motibo sa pagpamusil. (Orlando B. Dinoy)
Gipatik sa mantalaang SuperBalita Davao Agosto 24, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
