Super Suki 2012: Gibola na unang mananaug sa monthly draw
-A A +AThursday, August 23, 2012
ANG Sun.Star Davao Publishing Inc. nagpahibalo nga gibola na ang unang mananaug sa monthly draw sa Super Suki 2012 niadtong Miyerkules.
Si Ivan Policarpio, circulation supervisor sa Sun.Star Davao, nagsulti nga ang midaug sa nindot nga cellphone mao si Jacinto Lipardo nga nagpuyo sa Purok 3, Panacan Relocation, Davao City.
Ang pagbola sa mananaug gipangulohan ni Department of Trade and Industry (DTI) representative Renato Limit inabagan sa mga personahe sa Sun.Star Davao Superbalita.
"Pwede nang ma-claim ang premyo karong adlawa. Kinahanglan nga magdala lang ang atong winner og duha ka valid Identification Cards (IDs). Sigurohon nga di pa expired," pahayag ni Policarpio.
Siya nag-awhag sa mga suki nga ipadala na ang ilang entries aron makadaug sa sunod nga monthly draw.
"Next week na namo ipadala ang mga drop boxes sa Digos, Tagum, etc.," sulti ni Policarpio kinsa daghang giatimang aktibidad subay sa 25th Kadayawan sa Dabaw Festival.
Subli niyang gipahibalo alang sa mga suki nga kanunay nag-text ug nagtawag sa cellphone nga unang napahiluna ang mga drop boxes sa siyudad sa Davao nga gibutang sa mga piniling tindahan sa Minute Burger.
"Naa tay drop boxes sa Minute Burger sa Ponciano, Cabantian, Juna Subdivision, Matina Aplaya, Magallanes, Panabo, Carmen, Tibungco, Magsaysay, Jacinto, R. Castillo, Malvar, Sandawa, Ecoland, Obrero ug Milan sa Buhangin," sulti ni Policarpio.
Mamahimo sab nga ihulog ang mga entries sa Julies Bakeshop Buhangin ug Julies Bakeshop Agdao.
Gawas sa nahisgutang tindahan, mamahimo sab nga ihulog ang mga entries sa dxGO Aksiyon Radyo ug Love Radio nga nahimutang sa MBC Compound, dalang R. Castillo, Agdao; Killer Bee FM sa dalang Guerrero, Bombo Radyo sa dalang San Pedro.
Alang sa mga suki nga nagpuyo sa Bajada, mamahimo sab nga ihulog ang salmot sa sibyahanan sa dxRA Radyo Arangkada nga nahimutang sa Door 1, Delgar Building, JP Laurel Avenue, sa di pa moabot sa Buhangin Flyover.
Alang sa dugang kasayuran, mamahimo kamong mokontak sa numero 0919-567-0288 o 082-235-1004. (AD)
Gipatik sa mantalaang SuperBalita Davao Agosto 24, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
