Rody dako ang pagsalig ni Mar Roxas
-A A +ASunday, September 2, 2012
DAKO ang pagsalig ni Davao City Vice Mayor Rody Duterte sa kapasidad ni Mar Roxas isip bag-ong kalihim sa Department of Interior and Local Government (DILG), hulip sa mipanaw nga si Jessie Robredo.
Sa nakalabay nga adlaw gi-anunsiyo ni Presidente Benigno Aquino III nga si Roxas ang mohulip kang Robredo sa nabiyaang katungdanan, diin usa sa gimando sa pangulo nga ipadayon ang nasugdang reporma ni Robredo.
"Bright man gyud si Mar. He is a simple man, datu. He will do well. I'm happy because he's my friend," ni Duterte sa Gikan sa Masa, Para sa Masa.
Gidepensahan sab ni Duterte ang bag-ong DILG secretary sa mga pagbatikos nga ang pagkapili niya sa pwesto, pagpangandam na sa iyang pagdagan isip pangulo sa 2016.
"Kanang iyang presidential ambition nobody can question that. Don't blame Mar kung may plano siyang mo-presidente. Kung naa siya diha it's a blessing to him."
Sa pagpanaw ni Robredo human mahagsa ang gisakyang private plane sa kadagatan sa Masbate, daghang ngalan ang nanggawas nga mohulip kaniya.
Pipila dinhi mao sila Senator Panfilo Lacson ug bise mayor Duterte.
"Ang government is management lang ni more than qualified. I can say nga ako mismo di ko pwede," pahayag sa edarang Duterte. (Rhona O. Goc-ong)
Gipatik sa mantalaang SuperBalita Davao Septembre 03, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
