Landmine nakaplagan sa militar
-A A +ATuesday, September 4, 2012
COMVAL PROVICE -- Ang tropa sa militar nakakaplag na sab og improvised landmine sa temporaryong kampo nga gigamit sa New People's Army didto sa Sitio Sapdan, Barangay Casoon, lungsod sa Monkayo.
Si 25th Infantry Battalion commander Lieutenant Colonel Cesar Molina nagbutyag nga ang improvised landmine nakuha human sa usa ka oras nga engkuwentro tali sa militar ug rebelde alas 7 sa buntag niadtong Lunes.
Suma ni Molina nga nagpatrolya lamang ang iyang mga sakoip human nakadawat og taho gikan sa mga residente nga dunay mga armadong tawo sa ilang sityo.
Dihang miabot sila sa lugar, kalit silang gipaulanan og bala sa mga rebelde hinungdan nga nahitabo ang pinusilay.
Nagpasalamat si Molina sa kaabtik sa mga residente tungod kay kon di pa tungod nila, di unta mapugngan ang laing pagpabusikad sa bomba.
"The recovery of landmine manifested that they disrespect the Comprehensive Agreement on Respect for Human Rights and International Humanitarian Law (CARHRIHL) that they have signed for prohibiting the use of landmines," suma ni Molina. (Alger Dura)
Gipatik sa mantalaang SuperBalita Davao Septembre 05, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
