Mayor Sara ngadto sa NPA: Itahan ang naglabay'g granada
-A A +AFriday, September 7, 2012
SI DAVAO City Mayor Sara Duterte-Carpio miapela sa New People's Army (NPA) nga itahan ang ilang mga miyembro nga nalambigit sa pagbusikad sa granada nga miangol sa 48 ka mga sibilyan didto sa Barangay Fatima, Paquibato District, siyudad sa Davao niadtong Septyembre 1.
Ang apela ni Duterte-Carpio human giangkon sa NPA ang krimen.
"They must give up whoever threw the grenade, it is a crime and therefore must be prosecuted in court," suma ni Duterte-Carpio.
Ang mayor nagkanayon nga ang insidente di hinuon makaapekto sa polisiya sa gobyerno sa siyudad nga ipadayon ang kalinaw tali sa mga rebelde.
Suma sa mayor nga alang ngadto sa NPA nga wa nalambigit sa paglabay sa granada, abli ang gobyerno alang sa kalinaw.
"They just name a place and time and we will be there to talk peace," suma sa mayor.
Kagahapon, nadawat sa Superbalita ang pahayag sa Merardo Arce Command nga miangkon sa krimen. (Ben O. Tesiorna)
Gipatik sa mantalaang SuperBalita Davao Septembre 08, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
