Duterte naitok sa sayop nga report sa media

GIANGAY si Davao City Vice Mayor Rodrigo Duterte sa migawas nga balita nga nanawagan siyang papahawaon ang army detachment sa Paquibato District human gipabusikad ang granada sa New People's Army (NPA) nga miangol sa 47 ka mga tawo.

Sa iyang programang "Gikan sa Masa, Para sa Masa" kagahapon, si Duterte nagsulti nga wala siya nagpahayag nga iyang gikondena ang pagmuntar og military detachment sa Barangay Fatima.

"I would like to correct the tendency of the media to slant their report. It is not good. Dili gyud maayo. The problem there is ang paggawas sa segment, it was presented nga Vice Mayor Duterte nakigduyog sa panawagan sa mga militanteng pundok nga i-pull out ang military detachment," pung ni Duterte.

Si Duterte nagsulti nga iya lamang gikondena ang aksyon sa NPA apan wala siya nanawagan nga papahawaon ang military detachment.

"What happened was: the report preceded with that matter then gisulod 'tong is it the Bayan or Karapatan that they are demanding the pullout of the detachment then 'tong akong pag-explain nga I condemned giputol nila unya gisumpay 'tong interview nako in another occasion," pahayag ni Duterte.

Siya nagsulti nga sa laing pakighinabi kaniya, gipangutana siya bahin sa iyang opinion sa detachments sa mga lugar nga daghan og tawo ug iyang gisulti ang iyang panlantaw isip empleyado sa gobyerno nga di maayo.

"So if you were to connect the condemnation unya giputol diha, gisumpay 'tong akong istorya as government employee it turned out I was condemning the placing of military detachment inside the barangay, which is not true and accurate," sulti ni Duterte.

Ang bise mayor nagpahayag nga wa siya nalipay sa gihimo sa media.

"Wala ko nalipay sa maong balita kay dili maayo nang gikondena nako ang detachment nga naa diha, otherwise I could have done that earlier sugod sa pagbutang nila pero di man," dugang sa bise mayor.

"Again, the condemnation is intended for the communist and not for the military. Karon kana ang akong view, that is my personal stand because I don't have the authority nga magbuot ko ug asa na sila. It belongs to somebody's decision and not mine," subling pagpaklaro sa bise mayor. (Ivy C. Tejano)