Ulitawo nagdisko gipusil, patay
-A A +AWednesday, September 12, 2012
USA ka ulitawo ang namatay human gipusil sa wa mailhing tawo samtang nagpahulay sa gawas sa diskohan alas 11 sa gabii niadtong Martes.
Ang biktima mao si Remar Orquia, 19, nagpuyo sa Purok 1, Barangay Lamana, Calinan District, siyudad sa Davao.
Base sa imbestigasyon sa Calinan Police Station, ang biktima nagdisko sa lugar, apan gikapoy maong migawas sa diskohan ug nagpahulay mga 50 metros ang gilay-on.
Samtang nagpahulay ang biktima, kalit lang mipaka ang masipang buto dayon naigo ang biktima sa iyang ulo nga miresulta sa iyang kamatayon.
Giingon nga ngitngit ang maong dapit mao nga naglisud pag-ila ang mga otoridad.
Gisusi na sa kapulisan ang maong hitabo aron sayron kung kinsa ang mga mamumuno. (AD)
Gipatik sa mantalaang SuperBalita Davao Septembre 13, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
