Koreano, patay nang nakit-an
-A A +AThursday, September 13, 2012
PATAY na nga nakaplagan ang lawas sa usa ka Koreano alas 11:45 sa buntag niadtong Miyerkules didto sa Padre Gomez Street, siyudad sa Davao.
Naila ang biktima nga si Moon Dai Sun, 53, minyo ug taga #369, Interior 3, Padre Gomez Street ning dakbayan.
Nakit-an ang iyang patay'ng lawas sa silingan nga si Andresito Taguse, hamtong ang pangedaron.
Daling gitawagan ni Taguse ang asawa sa biktima nga si Michelle Ibanez Moon kinsa wala sa ilang balay niadtong tungora.
Nasayran sa blotter sa Sta. Ana Police Station nga dugay na nga dunay gihambin nga sakit nga diabetes ug sakit sa kasing-kasing ang biktima.
Hinuon, walay nakitang foul play ang kapulisan sa lawas sa biktima.
Patay nga lawas ni Moon naa gihaya sa Angel Funeral Homes sa dalang Torres ning dakbayan. (Blue Cordero)
Gipatik sa mantalaang SuperBalita Davao Septembre 14, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
