NPA mipatay sa 2 sundalo, gilutos
-A A +AFriday, September 14, 2012
GILUTOS na sa militar ang mga rebelde nga nakapatay sa duha ka mga sundalo atol sa engkuwentro niadtong Huwebes didto sa Mt. Tambuko, Barangay Dagohoy, Talaingod, Davao del Norte.
Suma ni Colonel Lysander Suerte, commander sa 1003rd Infantry Brigade, ang tropa naglusad og security operations aron pugngan ang mga sakop sa New People's Army (NPA) nga mohimo og kasamok sa bukirong lugar sa Talaingod.
Nasayran nga alas 12:30 hapon nagkatagbo ang dalan sa mga sakop sa 60th Infantry Battalion ug 50 ka mga sakop sa rebeldeng grupo.
Namatay mao sila 1st Lieutenant Arvin Quedding, 28, ulitawo, lumad nga gikan sa Guimba, Nueva Ecija ug Private First Class Alfe Caballes, 30, nagpuyo sa Talaingod, Davao del Norte.
Si Suerte nagsulti nga naguol siya sa nahitabo sa iyang mga sakop kinsa nagpakita sa ilang kaisog sa pagpakigsangka sa mga kaaway.
Giingon nga duha ka platoon nga gipangulohan ni 1st Lieutenant Lacasandile ug 1st Lieutenant Quedding, miresponde sa report sa mga sibilyan nga duna silay nakitang armadong grupo.
Sa ilang pag-abot, gipabuthan sila nga miresulta sa kamatayon ni Quedding ug Caballes. (AD)
Gipatik sa mantalaang SuperBalita Davao Septembre 15, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
