Super Suki 2012: Senior citizen winner grabe ang kalipay
-A A +AWednesday, September 19, 2012
GRABE ang kalipay nga gibati kagahapon sa ikaduhang mananaug sa second monthly draw sa Super Suki 2012.
"Nalipay ko dihang akong nabasahan ang akong pangalan sa newspaper kaganiha sa buntag," ni Cresencia Luna-Cabatingan, 62, nagpuyo sa Purok 3A NSV Ilang, ning siyudad sa Davao.
Si Cabatingan gikuyogan sa iyang duha ka mga apo dihang gikuha ang iyang nadag-an nga cellphone kagahapon.
"Wala gyud nasayang ang akong 28 ka mga entries kay midaug man og cellphone," dugang ni Cabatingan.
Ang papremyo gilusad atol sa ika-13 nga anibersaryo sa kompanya niadtong Hulyo 24, 2012.
Usa kini ka proyekto sa SuperBalita alang sa mga suki nga padayong nagsunod pinaagi sa pagbasa sa nag-unang bisayang mantalaan sa Davao Region.
Gituyo kini aron pahalipayan ang mga suki sa pagbola grand draw niini karong Disyembre 2012.
Alang sa Super Suki winner, mopalit gihapon siya og SuperBalita aron iyang ihulog ang mga mastheads niini isip entry. (AD)
Gipatik sa mantalaang SuperBalita Davao Septembre 20, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
