Ampatuans nag-atubang og dugang mga asunto

COTABATO CITY - Daghang mga opisyal sa Maguindanao ang nag-atubang og kasong multiple murder, arson, robbery ug damage to property human sila gilambigit sa Itaw Massacre nga nahitabo didto sa Barangay Tapikan, Shariff Aguak, Maguindanao niadtong Agosto 8, 2008.

Sa maong hitabo, walo ka tawo ang namatay, apil na dinhi si Datu Itaw Gayon, usa ka Moro National Liberation Front (MNLF) rebel returnee.

Gipasaka ang kaso human pormal nga misang-at og reklamo ang anak ug asawa ni Datu Itaw nga sila Datu Ben Gayon ug Sarah Gayon, subay sa gisumpaan nga pamahayag sa mga testigo nga sila Montasser Lomenda, Teng Abdillah ug Abusama Lomenda.

Sa subpoena nga gipagawas ni Maguindanao Officer-in-Charge Provincial Prosecutor Rodolfo Yanson, miabot sa 88 ka tawo ang gipa-sumite og counter affidavit alang sa ipahigayon nga preliminary investigation.

Apil sa gikasuhan mao sila Datu Andal Ampatuan Sr., Datu Andal Ampatuan Jr., Zaldy Ampatuan, Anwar Ampatuan, Sajid Islam Ampatuan, Engr. Norie Unas, Engr. Rasul Abpi, Samer Mama Uy, Yaquob Jack Ampatuan, Kagi Akmad Baganian Ampatuan, Saudi Shamron Ampatuan Jr., Saudi Sean Nano Ampatuan, Ulo Ampatuan, Ben Carandang, Jaafar Upam Ampatuan, Cashmer Datumanong Ampatuan, Adam Maliga, Tandong Badrudin, Aladin Sakal, Hji. Amer Sakal, Emi Bandal, Fredie Sakal, Hji. Esmail Sakal, Dante Guindo Morsid Gara Ampatuan, Michael Samaon, Tanao Malaguial, Budtong Sarugandang Kasi, Kaking Ingku, Datu Ali Baganian Ampatuan, Al Yasser Andamen, Epi Ampatuan, Bahnarin Ampatuan, Kagi Milo Lumenda, Alim Satol, Zainudin Abutazil, Sukarno Teng Singh, Esmail Mike Sula, Hadji Mama Mokamad, Nasrullah Mokamad, Ricarte Nonong, Chadlie Tumog, Ustadz Mohammad Farid Adas, Kagi Mastur Salendab, Jerry Abutazil, Wingky Kamama, Abdulmanap Malaguial, Zainudin Ayob, Kanor Ampatuan, Norodin Ampatuan, Yasser Mama Ampatuan, Bangon Ampatuan, Abby Aguak, Kamsa Kodta Salik, Marop Ampatuan, Taharudin Benzar Ampatuan, Kumander Kempar, Nasser Adam, Datukon Malaguial, Kagi Bayan Kamendan, Makapagal Marlboro Kamendan, Masera Kamendan, Gani Makmod, Dao Rochie Ampatuan, Murad Madidis, Sherhan Uy, Delis Ali, Sangkopan Kawilan, Bondong Umal, Norodin Badawiya, Montaser Tambungalan, Sukarno Usop, Dino Edzla, Mike Brando, Mangi Paglas, Samama Abdullah, Musib Tan, Roy Rigalu, Kaking Ingko, ug Datu Ali Salindab.

Ang subpoena gipagawas niadtong Agosto 29, 2012 subay sa gipasang-at nga reklamo sa pamilya sa mga biktima.

Apan si Rajah Buayan ABC President Engr. Samsamin Ampatuan namahayag nga politically motivated ang pagpasaka og kaso ngadto sa iyang mga paryente ilabina nga nagsingabot ang 2013 election.

Gihangyo ni Ampatuan ang Department of Justice nga tutukan ang kaso aron masilutan ang tinuod nga mga suspek ug maabsuwelto ang walay kalabutan sa krimen. (Edgardo Fuerzas)