Asawa gi-armalite sa bana
-A A +AMonday, September 24, 2012
TACURONG CITY - Patay ang usa ka ginang human siya gipusil sa iyang bana alas 5 sa hapon niadtong Dominggo sa probinsiya sa Sultan Kudarat.
Ang biktima giila nga si Dianne Oliverio, 27, minyo, ug molupyo sa Purok 2, Barangay Poblacion, Lebak.
Sa nahagpat nga report gikan Sultan Kudarat Police Provincial Office, nasuta nga nagkalalis ang biktima ug ang bana niyang si Crisper gumikan sa problema sa ilang pamilya.
Nagsininggitay ug nagbinayloay og mga mahait nga pulong ang magtiayon.
Tungod kay wa na makaaguwanta sa pagyawyaw sa asawa, gikuha ni Crisper ang gitipigan niyang M16 armalite rifle ug dayong pusil sa asawa.
Natusak-tusak sa bala ang lawas sa babaye nga maoy hinungdan sa iyang kamatayon.
Hinuon, ang suspek nadakpan sab dayon sa kapulisan.
Giandam na sa otoridad ang tukmang kasong ipasaka batok sa bana.
Gipatik sa mantalaang SuperBalita Davao Septembre 25, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
