Gitigbas sa bana sa gikainom
-A A +AMonday, September 24, 2012
PADAYON pa nga giobserbahan ang kahimtang sa ulitawo sud sa balay tambalanan human gitigbas sa bana sa iyang kainom alas 8:00 sa gabii niadtong Dominggo didto sa Willow Street, Matina, siyudad sa Davao.
Ang biktima mao Felipe Majaid Lapuz, 33, ulitawo, construction worker, ug nagpuyo sa nahisgutang lugar.
Naila usab ang suspek nga si Judy Castro Benong, 35, minyo, foreman, ug silingan lang sa biktima.
Base sa blotter sa Talomo Police Station, nasayran nga nag-inom ang biktima ug ang asawa sa suspek nga si Belinda Benong sa balay sa igsuon sa babaye.
Apan kalit nga miabot si Judy ug gitigbas ang biktima sa agtang ug liog, dayon misibat padulong sa wala matinong direksiyon.
Daling gidala ang biktima sa Southern Philippine Medical Center kung diin padayon pa kining giobserbahan sa mga doktor.
Padayon pa usab ang gihimong manhunt operation sa kapulisan batok sa suspek.
Selos ang gitudlong motibo sa maong pagpanigbas. (Blue Cordero)
Gipatik sa mantalaang SuperBalita Davao Septembre 25, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
