Pagpangampanya sa kandidato sa Hugpong

TUNGOD sa limitasyon nga walo ka kandidato sa matag congressional district alang sa councilors, napugos ang Hugpong nga ideklara ang walo ka opisyal nga kandidato sa matag distrito.

Apan wa kini nagpasabot nga di na niya pangampanyahan ang uban partymates nga wa nalakip sa opisyal nga listahan.

Kini ang gipaniguro ni Vice Mayor Rodrigo Duterte kagahapon diin iyang gideklara nga tanang miyembro sa Hugpong kinsa midagan hatagan og higayon nga mosaka sa stage ug mangampanya.

"I will come on even terms with all of them. I will mention all of them during campaign. Although Comelec only allows eight official list for Hugpong under the councilors per district, I will still campaign for the other unofficial candidates. Silang tanan mosaka sa entablado," sumala ni Duterte.

Sa milabay nga eleksyon, kasagaran ginadala sa Hugpong ang tanang miyembro kung opisyal nga kandidato sa listahan. Apan sugod nga nahimong local political party ang Hugpong, ang partido limitahan na ilang opisyal nga kandidato og walo matag distrito.

Bonguyan siguradong daug

Si kanhi vice mayor Louie Bonguyan ang sigurado nga modaug sa first congressional eleksyon, kini ang gipaniguro ni Duterte.

Suma niya, kini ang hinungdan nga gipili si Bonguyan isip hulip kang Mayor Sara Duterte sa Kongreso.

"Bonguyan would win. Padaganon ba gud nako na kung mapildi. Pero dili kaayo layo. But he will win. He has more than an even chance. Bonguyan has served the city so well. Wala ni syay pildi pildi. He is a very nice fellow," pahayag ni Duterte.

Sa interbyu una ang pag-file sa iyang certificate of candidacy niadtong Biyernes, giangkon ni Bonguyan nga bug-at sab nga kalaban si Representative Karlo Nograles.

Apan gidawat niya kini aron kontrahon ang Nograles. (BOT)