Gipatay atubangan sa pamilya
-A A +ANi Alger Dura
Monday, October 8, 2012
MATI CITY - Usa ka kanhi kumander sa rebeldeng New People's Army (NPA) ang gipatay sa wa mailhing mamumuno 7:45 sa gabii niadtong Dominggo.
Ang biktima mao si Ruperto Cadungog alyas “Toper,” hamtong ang pangedaron, nagpuyo sa Sitio Fairview, Barangay Central, Mati City.
Base sa report nga gipadala sa militar, biktima gipusil sa makadaghang nga higayon atubangan sa iyang kabanay sud sa ilang balay.
Ang biktima daling gidala siya sa Camillus Hospital, apan gideklara siyang patay sa mga doktor nga nag-atiman kaniya.
Mga mamumuno daling misibat sa lugar mao nga gipangita sila karon sa otoridad.
Nasayran nga mitahan na ang biktima sa gobyerno ug karon usa na ka yanong empleyado didto sa maong siyudad.
Ang biktima mibalik sa sabakan sa balaod aron mapatungha ang pito niya ka mga anak, apan ang maong pangandoy napawong human siya gipatay sa gidudahang sakop sa NPA.
Gipatik sa mantalaang SuperBalita Davao Oktubre 09, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
