2 lalaki gipangtigbas
-A A +ASunday, October 14, 2012
DUHA ka mga tawo ang gipangtigbas sa managlahing lugar dinhi sa siyudad sa Davao.
Uwahing biktima mao si Carlito Aglas, 45, mag-uuma, nagpuyo sa Sitio Pala, Barangay Sumimao, Paquibato District.
Si Aglas gitigbas ni Rene Aglas, 32, alas 8:30 sa gabii niadtong Oktubre 13, 2012.
Base sa imbestigasyon sa Paquibato Police Station, miadto ang biktima sa balay sa suspek diin sila nagkalalis tungod sa personal nilang panagbangi.
Daling mikuha og hait nga sungdan ang suspek dayon gitigbas ang biktima sa makadahgan nga higayon mao nga gidala siya sa Southern Philippines Medical Center (SPMC).
Ikaduhang biktima mao si Nelson Agunod, 45, ulitawo, nagpuyo sa Purok 9, Barangay Lubogan, distrito sa Toril.
Ang biktima gitigbas alas 9:00 sa gabii niadtong Biyernes mao nga gidala siya sa Southern Philippines Medical Center (SPMC).
Si Agunod gitigbas ni Eugine Lubon, 27, ulitawon, dunay deperensiya sa pangisip ug nagpuyo sa Barangay Lubogan.
Nasayran nga mitambong ang biktima sa haya sa iyang ig-agaw apan kalit miabot ang suspek nga nagdala og sundang.
Gipriso na karon ang suspek sa Toril Police Station. (AD)
Gipatik sa mantalaang SuperBalita Davao Oktubre 15, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
