Uyoan gitigbas sa pag-umangkon
-A A +ATuesday, October 16, 2012
CARMEN, Davao del Norte - Usa ka uyoan ang giunay pagtigbas sa pag-umangkon alas 6:45 sa gabii niadtong Lunes didto sa Purok 6, Barangay Taba.
Giila ang biktima nga si Joseph Paraguya, 37, minyo, molupyo sa nahisgutang barangay samtang ang suspek mao si John Rey Quilestino, 24, molupyo gihapon sa maong lugar.
Sumala pa nga naglalis sila si Paraguya ug si Guilestino sa wala pa mahitabo ang pagpanigbas.
Nasayran nga nalupig matud pa sa rason ang pag-umangkon hinungdan nga mikuha siya og sundang ug diretsong gitigbas ang uyoan.
Si Paraguya nakahiagum og samad tinigbasan sa kamot nga dali usab dayong gidala sa Carmen District Hospital.
Hinuon, boluntaryong mitahan ang pag-umangkon ngadto sa Carmen Municipal Police Station human sa hitabo.
Sumala sa mga pulis nga personal nga bikil ang hinungdan sa panaglalis sa duruha. (Teddy Cabana)
Gipatik sa mantalaang SuperBalita Davao Oktubre 17, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
