Lalaki nalisoan sa pangisip, gipatay
-A A +AWednesday, October 17, 2012
USA ka lalaki nga dunay deperensiya sa pangisip ang nakaplagang patay sa 5:50 sa buntag niadtong Lunes.
Ang biktima giila sa pangalan nga si Florention Boldario, hamtong, usa ka amang, ug nagpuyo sa Purok 1, Sitio Durian, Barangay New Visayas, Panabo City.
Si Bolario giila pinaagi sa iyang igsuon nga si Anamarie Boldario human nakaplagan didto sa Sitio Lintuan, Barangay Lasang, Bunawan District, siyudad sa Davao.
Ang biktima nakaangkon og daghang samad dinunggaban sa iyang kalawasan nga miresulta sa iyang kamatayon.
Suma sa kapulisan nga kanunay nilang masiplatan ang biktima sa lugar diin siya nakaplagang patay.
Nagtuo ang otoridad nga natripingan lang siya sa wa mailhing tawo mao nga gidunggab siya.
Gihaya na karon ang biktima sa Rivera Funeral Homes samtang padayon ang imbestigasyon sa kapulisan aron ilhon, sikupon ug idemanda ang mga suspek. (AD)
Gipatik sa mantalaang SuperBalita Davao Oktubre 18, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
