NPA patay sa engkuwentro
-A A +ASaturday, October 20, 2012
USA ka sakop sa rebeldeng New People's Army (NPA) ang gikatahong namatay sa nahitabong engkuwentro tali Philippine Army.
Ang engkuwentro nahitabo alas 12:15 sa kaadlawon niadtong Huwebes didto sa Sitio Laiz, Barangay Malabog, Paquibato District, siyudad sa Davao.
Base sa report sa Paquibato Police Station, nahitabo ang engkuwentro samtang nagpatrolya ang mga sakop sa 103rd Reconnaissance Company nga gipangulohan ni First Lieutenant Pacan.
Ang pinulisay milungtad og 30 minutos nga miresulta sa kamatayon sa usa ka sakop sa NPA.
Nalupig sa militar ang mga rebelde mao nga dali silang miikyas paingon ngadto sa wa matinong lugar.
Samtang gisuwat ning balita, padayon ang paglutos sa militar sa mga rebelde nga gipangulohan ni Leoncio Pitao, alyas Kumander Parago. (AD)
Gipatik sa mantalaang SuperBalita Davao Oktubre 21, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
