15 anyos gilugos sa amahan
-A A +ANi Teddy Cabana
Sunday, October 21, 2012
ASUNCION, Davao del Norte -- Nagtingkagol karon sa prisohan sa Asuncion Municipal Police Station ang usa ka amahan nga milugos sa iyang kaugalingong anak makaduha ka higayon.
Ang suspek mao si Joel (bansagon gitago sa Superbalita), 36, molupyo sa Purok 1, Doña Andrea, lungsod sa Asuncion.
Si Joel gisikop sa mga pulis sud sa iyang panimalay alas 11:30 sa buntag niadtong Sabado.
Sila Police Officer 3 (PO3) Benjie Solteo ug PO3 Elmer Magalzo ang midakop sa suspetsado dala ang warrant of arrest nga gipaguwa ni Regional Trial Court Branch 2 Judge Susana Baua.
Base sa report sa kapulisan, kompirmadong gilugos sa akusado ang iyang kinse anyos nga anak, apan wa na gidetalye ang maong hitabo.
Girekomenda sa huwes ang piyansang P240 mil pesos isip bail bond sa iyang temporaryong kagawasan.
Gihulat na lamang sa akusado kanus-a taralon iyang kaso sa korte tungod sa paglugos sa iyang kaugalingong anak.
Gipatik sa mantalaang SuperBalita Davao Oktubre 22, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
