Mag-uuma naghikog, patay
-A A +AMonday, October 29, 2012
USA ka mag-uuma ang nakaplagan nga wa nay kinabuhi sud sa iyang balay alas 5:00 sa gabii niadtong Dominggo.
Ang biktima giila sa pangalan nga mao si Ernesto Nasol Jr., 39, minyo, nagpuyo sa Purok 2, Barangay San Isidro, Bunawan District, siyudad sa Davao.
Base sa report sa Bunawan Police Station, ang biktima nagbitay sud sa iyang lawak dihang giugkat sa kapulisan.
Nasuta nga migamit ang biktima og nylon nga gihigot sa iyang liog diin ang isig ka tumoy niini gihigot sa atop.
Sanglit gisirhan sa biktima ang iyang balay, giguba sa mga pulis ang lawak niini diin naghikog ang biktima.
Gihaya na karon ang biktima sa usa ka lokal nga punerary sa lugar samtang giandam ang iyang katapusang pahulayan. (AD)
Gipatik sa mantalaang SuperBalita Davao Oktubre 30, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
