64 anyos nga babaye gitigbas, patay
-A A +ATuesday, October 30, 2012
USA ka mag-uuma ang gitigbas patay sa wa mailhing mamumuno alas 5:00 sa hapon niadtong Lunes.
Ang biktima mao si Lilia Pulong Uy, 64, dalaga, nagpuyo sa Barangay Tamugan, Marilog District, siyudad sa Davao.
Base sa imbestigasyon ni Senior Police Officer 1 Leonardo Balangay sa Marilog Police Station, ang biktima nakaangkon og daghang samad sa kalawasan.
Nasayran nga ang krimen nadiskubrehan sa mga molupyo sa lugar mao nga ilang gipahibalo si Kagawad Rosalinda Modelo.
Si Modelo na ang nagpahibalo sa kapulisan mao nga gilusad dayon nila ang makuting imbestigasyon.
Ang biktima gideklarang patay na pinaagi sa mga sakop sa Scene of the Crime Operatives nga gipangulohan ni Police Senior Inspector Herman Pansoy.
Samtang gisuwat ning balita, giatiman na ang patay nga lawas sa biktima samtang gilusad ang manhunt operation sa kapulisan aron mailhan ug masikop ang mamumuno. (AD)
Gipatik sa mantalaang SuperBalita Davao Oktubre 31, 2012.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
